ISO Consulting Blog
fullDate
post.update-date
ისეთი მასშტაბური ღონისძიებები, როგორიცაა ოლიმპიადა ან მსოფლიო საფეხბურთო ჩემპიონატი, დიდ გავლენას ახდენენ ადგილობრივ ეკონომიკაზე და დიდი სარგებელი მოაქვს მასპინძელი ქალაქებისთვის. თუმცა არ უნდა გამოგვრჩეს ისიც, რომ ასეთ ღონისძიებებს ყოველთვის თან ახლავს უსაფრთხოების მხრივ დიდი რისკი. იმისთვის, რომ ყველაფერმა კარგად ჩაიაროს, ხშირ შემთხვევაში, ადგილობრივი ხელისუფლება უსაფრთხოების უპრეცედენტო ზომებს მიმართავს ხოლმე, მაგრამ მაინც ძნელია ისეთი შემთხვევის მოძებნა, როდესაც ასეთ მასშტაბურ ღონისძიებას ლაფსუსების გარეშე ჩაევლოს.
2020 წლის ზაფხულში იაპონიის დედაქალაქ ტოკიოში ოლიმპიადა აიღებს სტარტს, რომელშიც მონაწილეობას მიიღებს 206 ქვეყნის 11 ათასზე მეტი სპორტსმენი. ღონისძიება საკმაოდ მასშტაბური იქნება და აქედან გამომდინარე, უსაფრთხოების ზომების უმაღლეს დონეზე უნდა იყოს დაცული. სწორედ ამიტომ, სტანდარტიზაციის საერთაშორისო ორგანიზაციამ ახალ სტანდარტზე დაიწყო მუშაობა - ISO 22379, რომლიც მისცემს მსოფლიოს შესაძლებლობას ასეთი ტიპის ღონისძიებები მაქსიმალურად უსაფრთხო და მშვიდ გარემოში ჩატარდეს. სტანდარტი სრულ შესაბამისობაში მოდის ნებისმიერი ტიპის ღონისძიებასთან, იქნება ეს ოლიმპიადა, მსოფლიო საფეხბურთო ჩემპიონატი თუ სხვა სპორტული აქტივობა. ამასთანავე, სტანდარტის შემუშავებაში აქტიურად არის ჩართული საერთაშორისო ექსპერტებით დაკომპლექტებული კომიტეტი.
*2020 წლის ზაფხულში იაპონიის დედაქალაქ ტოკიოში ოლიმპიადა აიღებს სტარტს
ISO Consulting - Professionals for Professionals