ბამბუკის ხეები კლიმატის ცვლილების წინააღმდეგ?

ბამბუკმა კაცობრიობის განვითარებაში დიდი როლი შეიტანა. ჯერ კიდევ უძველეს დროში, თანამედროვე ჩინეთის ტერიტორიაზე, ჰანის დინასტიის დროს, ბამბუკს მრავალი დანიშნულებით იყენებდნენ: ამზადებდნენ სხვადასხვა ტიპის ნაკეთობას, ავეჯს, მუსიკალურ ინსტრუმენტებს, იყენებდნენ ქაღალდის დასამზადებლად და ა.შ. თუმცა, ამ ყველაფერის მიუხედავად, ბამბუკს შეუძლია გაცილებით მეტი ნახშიროჯანგის შთანთქმა და ჟანგბადის გამოყოფა, ვიდრე მრავალ სხვა ჯიშის ხეს. ამავე დროს, ბამბუკს საოცარი სისწრაფით შეუძლია გაზრდა და განვითარება. ყოველივე აქედან გამომიდინარე, ბამბუკი კლიმატური ცვლილებების წინააღმდეგ ბრძოლის ერთ-ერთი მთავარი იარაღია, რომელიც სწორად უნდა გამოვიყენოთ.

კლიმატის ცვლილება კაცობრიობის ერთ-ერთი უდიდესი გამოწვევაა, რადგან ის ჩვენს ირგვლივ გარემოსა და ყოველდღიურობას რადიკალურად ცვლის. გაერთიანებული ერების მონაცემებით, ყოველწლიურად ადამიანები უფრო და უფრო მეტ რესურსს მოიხმარენ, რაც გამოწვეულია არამარტო მოსახლეობის რაოდენობის ზრდით, არამედ ცხოვრების დონის ამაღლებით. რესურსების ჭარბი მოხმარება კი გამოუსწორებელ ზიანს აყენებს როგორც კლიმატს, ასევე პლანეტასაც.

რაც შეეხება გლობალურ დათბობას, ეს პროცესი XVIII საუკუნის ბოლოდან დაიწყო, მე-20 საუკუნის მეორე ნახევრიდან კი უფრო გაძლიერდა. წლიდან წლამდე ყინულის ლღობის გამო მსოფლიო ოკეანეში იზრდება წყლის დონე და დატბორვა ემუქრება მრავალ ქვეყანასა თუ ცნობილ ქალაქს. ე.წ. "სათბური გაზების" (ნახშირორჟანგი, მეთანი, აზოტის ქვეჟანგი) დიდი ოდენობით გაფრქვევა (ემისია) აჩქარებს ამ პროცესს და შედეგიც სახეზეა: 2019 წელი მსოფლიო ისტორიაში ანომალიურად ცხელი ზაფხულის სტატუსით შევიდა. საინტერესოა როგორ უნდა შევაჩეროთ ეს პროცესები?

კლიმატის ცვლილებებთან ბრძოლა არც ისე მარტივი საკითხია, რადგან პრობლემა ძალიან კომპლექსურია და მთელი რიგი ღონისძიებების გატარებას მოითხოვს. სწორედ ამიტომ, სტანდარტიზაციის საერთაშორისო ორგანიზაცია უკვე წლებია მუშაობს ამ საკითხე და შემუშავებული აქვს უამრავი სტანდარტი, რომელთა მიზანიც ზემოთ აღნიშნული პრობლემების მოგვარებაა. მათ შორის ერთ-ერთია ISO 21625 - ბამბუკის და ბამბუკის პროდუქტებთან დაკავშირებული ტერმინოლოგია. აღნიშნული სტანდარტის მიზანია, ხელი შეუწყოს ბამბუკის ინდუსტრიის ზრდას, რომლის დახმარებითაც შესაძლებელი იქნება გაეროს მდგრადი განვითარების მიზნების მიღწევა და ამავე დროს, ბამბუკის ტყეების ფართობის ზრდა მნიშვნელოვანი ხელისშემშლელი ფაქტორი იქნება კლიმატის ცვლილებებისთვის.

ISO Consulting - Professionals for Professionals

თვალი გვადევნეთ Facebook, რათა შეიტყოთ მეტი !

არქივი
ბოლო სიახლეები
ტეგები
  • Facebook Basic Square
თვალი ადევნეთ ...

T:  +995 32 210 45 77

D: +995 593 118113

გვიპოვეთ სიციალურ ქსელებში...

  • Facebook Social Icon
  • Twitter Social Icon
  • LinkedIn Social Icon

თორნიკე ერისთავის ქ. #6,  0101, თბილისი, საქართველო

© 2018 by The ISO Consulting. All rights reserved.