განვითარებადი ქვეყნების თანამონაწილეობა ISO-ს მომავლისთვის ძალიან მნიშვნელოვანია

16 - 20 სექტემბერს სამხრეთ აფრიკის რესპუბლიკაში, ქალაქ კეიპ თაუნში ჩატარდა ISO-ს კვირეული, სადაც მხარეებმა იმსჯელეს ორგანიზაციის 2030 წლის სამოქმედო სტრატეგიაზე. დამსწრეებმა ერთხმად აღნიშნეს, რომ განვითარებადი ქვეყნების თანამონაწილეობა ორგანიზაციის მომავალ საქმიანობებში საკმაოდ მნიშვნელოვანია და მათი როლი კიდევ უფრო უნდა გაიზარდოს.

გამომსვლელებმა ხაზი გაუსვეს იმ დიდ ცვლილებებს, რომლებიც მიმდინარეობს მსოფლიო მასშტაბით. აქედან უმეტესობა კი ზეგავლენას ახდენს განვითარებად ქვეყნებზე.

XIX საუკუნის მსოფლიო ეკონომიკაში დომინანტური პოზიციები ეკავათ გაერთიანებულ სამეფოს, გერმანიასა და საფრანგეთს. XX საუკუნეში კი გაიზარდა შეერთებული შტატებისა და იაპონიის როლი.

"ახლა ჩვენ ვხედავთ, რომ მსოფლიო ეკონომიკის ცენტრი აღმოსავლეთისკენ მიიწევს. მოწინავე ქვეყნებია აშშ და ჩინეთი, თუმცა, XXI საუკუნის დასასრულს ყველაზე დიდი ეკონომიკა ჩინეთს ექნება, მას მოჰყვება აშშ და ინდოეთი" - აღნიშნა "The economist" -ის წარმოადგენელმა ჰერმან უორენმა.

გაერთიანებული ერების ინდუსტრიული განვითარების ორგანიზაციის (UNIDO) დირექტორის - ვაჭრობის, ინვესტიციებისა და ინოვაციების დარგში - ბერნარდო სარმიენტოს აზრით, აქამდე ვაჭრობის ზრდა არ იყო მდგრადი და ამ მხრივ ბევრია სამუშაო, რათა სარგებელი მიიღოს ყველა სექტორმა. მსოფლიო ბანკის წარმომადგენელმა უილიამ გეინმა კი აღნიშნა, რომ განვითარებადი ქვეყნებისთვის ძალიან მნიშვნელოვანია მონაწილეობა მიიღონ გლობალურ ღირებულებათა ჯაჭვში.

*მარცხნიდან ქეით სტრაგესი, ჰერმან უორენი (ეკონომისტი) და უილიამ გეინი (მსოფლიო ბანკი)

ISO-ს პრეზიდენტის ჯონ უოლტერის აზრით კი ერთობლივი მოქმედება ძალიან მნიშვნელოვანია. "ჩვენ უნდა ვიაროთ წინ ერთად, რათა მივაღწიოთ ჩვენს საერთო მიზნებს და დავეხმაროთ მსოფლიოს გამოსავლის ძიებაში. ჩვენ გვჭირდება ერთმანეთი ისე, როგორც არასდროს" - აღნიშნა მან.

თვალი გვადევნეთ Facebook, რათა შეიტყოთ მეტი !

ბოლო სიახლეები
არქივი
ტეგები
  • Facebook Basic Square
თვალი ადევნეთ ...

T:  +995 32 210 45 77

D: +995 593 118113

გვიპოვეთ სიციალურ ქსელებში...

  • Facebook Social Icon
  • Twitter Social Icon
  • LinkedIn Social Icon

თორნიკე ერისთავის ქ. #6,  0101, თბილისი, საქართველო

© 2018 by The ISO Consulting. All rights reserved.