თბილისის საჯარო საბავშვო ბაგა-ბაღების სამზარეულოს პერსონალის გადამზადება დაიწყო
2016 წლის 5 ნოემბერს თბილისის ბაგა‐ბაღების სამზარეულოებში დასაქმებული თანამშრომლებისთვის "სურსათის ჰიგიენის წესების" ტრენინგები დაიწყო. პირველი ტრენინგი ჩატარდა დიდუბე-ჩუღურეთის რაიონის ბაგა-ბაღების თანამშრომლებისთვის.
ISO Consulting-ის მიერ გადამზადდება თბილისის ყველა საჯარო საბავშვო ბაგა-ბაღის სამზარეულოს პერსონალი. ამისათვის ჩვენი "სურსათის ჰიგიენის წესების" ტრენინგი მოდიფიცირებულ და ადაპტირებულ იქნა საბავშვო ბაგა-ბაღების თავისებურებებზე. ტრენინგი მოიცავს ისეთ მნიშვენლოვან საკითხებს, როგორიცაა:
ბაგა-ბაღებში სურსათის უვნებლობის მნიშვნელოვნება
კონტამინაციის სახეობები და წყაროები,
სურსათის მიღებით გამოწვეული დაავადებები,
სურსათში არსებული საფრთხეები,
ბაგა-ბაღების სამზარეულოს პერსონალის ჰიგიენა და სანიტარიის წესები (სამზარეულოს რეცხვა, დეზინფექცია, ნარჩენების მენეჯმენტი, მავნებლების მენეჯმენტი, პერსონალის პირადი ჰიგიენა, ვიზიტორების კონტროლი და სხვა).
ტრენინგს ატარებდა ჩვენი კომპანიის კონსულტანტი, ექიმი-ჰიგიენისტი, მედიცინის PhD, ISO 22000 წამყვანი აუდიტორი და ბრიტანული ორგანიზაცია Lloyd's-ის ტრენერი მზია კუზნეცოვა.
სამომავლოდ დაგეგმილია ბაგა-ბაღებში HACCP პრინციპების რეალიზება, რომელიც მოიცავს სამზარეულოში პროცესების კონტროლის მეთოდების განსაზღვრას და უზრუნველყოფას, რაც მნიშვნელოვანია ბავშვებისთვის უვნებელი სურსათის მისაწოდებლად.
