ISO 14090 - კლიმატის ცვლილებებით გამოწვეული ზემოქმედების მართვა

XXI საუკუნის ერთ-ერთი მთავარი პრობლემა გლობალური დათბობით გამოწვეული კლიმატის ცვლილებებია. გლობალური დათბობა ნიშნავს დედამიწაზე ჰაერის საშუალო ტემპერატურის თანდათანობით ზრდას. ეს პროცესი XVIII საუკუნის ბოლოდან დაიწყო, მე-20 საუკუნის მეორე ნახევრიდან კი უფრო გაძლიერდა. წლიდან წლამდე ყინულის ლღობის გამო მსოფლიო ოკეანეში იზრდება წყლის დონე და დატბორვა ემუქრება მრავალ ქვეყანასა თუ ცნობილ ქალაქს. ე.წ. "სათბური გაზების" (ნახშირორჟანგი, მეთანი, აზოტის ქვეჟანგი) დიდი ოდენობით გაფრქვევა (ემისია) აჩქარებს ამ პროცესს და შედეგიც სახეზეა: 2019 წელი მსოფლიო ისტორიაში ანომალიურად ცხელი ზაფხულის სტატუსით შევა.

რა არის ISO 14090 სტანდარტი?

ISO 14090 სტანდარტი გვაძლევს საშუალებას მოვახდინოთ კლიმატის ცვლილებებთან ადაპტაცია და ამ გზით ავიცილოთ ზარალი თავიდან. ტემპერატურის ცვლილებას და ამინდის მოულოდნელ გაუარესებას შეუძლია დიდი გავლენა მოახდინოს ორგანიზაციაზე, თუ ისინი არ იქნებიან სათანადოდ მომზადებული ამ ცვლილებებისთვის (მაგალითად დააზიანოს შენობა-ნაგებობები ან მანქანა-დანადგარები, შექმნას მნიშვნელოვანი პრობლემები კომპანიის ფუნქციონირებისას).

ასევე, უახლესი მონაცემებით, ამ ცვლილებების გამო მსოფლიოს უდიდესმა კომპანიებმა შესაძლოა 1 ტრილიონი დოლარით იზარალონ. სწორედ ამიტომ ბიზნესისთვის მნიშვნელოვანია გამოიძებნოს რაიმე საშუალება, რომელიც ამ სავალალო შედეგებს ააცილებს თავიდან - სწორედ ამ საშუალებას წარმოადგენს ISO 14090 სტანდარტი.

რომელ ორგანიზაციებს სჭირდებათ ISO 14090 სტანდარტი?

ISO 14090 სტანდარტი სასარგებლოა ნებისმიერი სახის ორგანიზაციისთვის, მათი საქმიანობის და სფეროს მიუხედავად. ასევე აღსანიშნავია ის ფაქტიც, რომ ISO 14090 პირველი სტანდარტია, რომელიც მიმართულია კლიმატის ცვლილებებთან ადაპტაციისკენ.

---

"ISO Consulting" - პროფესიონალები პროფესიონალებისთვის.