ტრენინგების სერია: "HACCP პრინციპები, ინტერპრეტაცია და გამოყენება HoReCa სექტორისთვის"

საქართველოს მთავრობის 2019 წლის 26 აგვისტოს #173 დადგენილებაში შესული ცვლილებების შესაბამისად, 2021 წლის პირველი ივნისიდან საქართველოში, HoReCa სექტორში რეგისტრირებული ნებისმიერი ბიზნესოპერატორი, რომელიც ახორციელებს სურსათის გადამუშავებას ან მიწოდებას (რესტორნები, სასადილოები, კაფე-ბარები და სხვა), ვალდებულია დანერგოს HACCP სისტემა.

USAID-ის სოფლის მეურნეობის პროგრამა და USAID-ის ეკონომიკური უსაფრთხოების პროგრამა HoReCa სექტორის წარმომადგნელებს სთავაზობს 2-დღიანი ონლაინ ტრენინგების ციკლს თემაზე: "HACCP პრინციპები, ინტეპრეტაცია და გამოყენება HoReCa სექტორისთვის".

ტრენინგები ჩატარდება 2021 წლის მაის - ივნისის თვეებში HoReCa ინდუსტრიაში მოღვაწე ბიზნესებით დაკომპლექტებული 10 ჯგუფისთვის.

დამსწრეთა რაოდენობა შეზღუდულია (მაქსიმუმ 15 ბიზნესიპერატორი ერთ ტრენინგის კურსზე).

ტრენინგზე დასწრების მსურველებს გთხოვთ შეავსოთ თანდართული ფორმა და გადმოაგზავნოთ შემდეგ მეილზე: t.lukashvili@bhg.ge

გადმოწერეთ თანდართული ფორმა:

Monitoring data collection form _HORECA

Download • 22KB

შერჩევის შემთხვევაში, დაგიკავშირებით და გაცნობებთ ტრენინგის ზუსტ თარიღს და სხვა დეტალებს.

ტრენინგი სრულად დაფინანსებულია HoReCa სექტორის (რესტორნის, კაფე-ბარის, სასტუმროს სამზარეულოს, ან სხვა საზ. კვების ობიექტის) თანამშრომლებისთვის, რომლებიც ოპერირებენ შემდეგ რეგიონებში:

• აჭარა

• იმერეთი

• კახეთი

• სამეგრელო

• სამცხე-ჯავახეთი.

შენიშვნა: თითო ორგანიზაციიდან დაიშვება მხოლოდ 1 მონაწილე. რეკომენდირებულია სამზარეულოში სურსათის უვნებლობაზე პასუხისმგებელი პირი.

კურსის შინაარსი:

• HACCP სისტემის საფუძვლები;

• წინასწარი პროგრამები (PRPs) და კანონმდებლობა;

• საფრთხის ანალიზის მოსამზადებელი ეტაპები;

• საზ. კვების ობიექტის საფრთხის ანალიზი;

• საზ. კვების ობიექტის HACCP გეგმის შემუშავება;

• ვალიდაცია და ვერიფიკაცია;

• HACCP სისტემის შენარჩუნება;

• კურსის მიმოხილვა.

კურსი ჩატარდება ვირტუალურ ფორმატში ZOOM-ის პლატფორმის გამოყენებით.

ტრენინგის მონაწილეებს მოეთხოვებათ უზრუნველყონ:

• კომპიუტერი, უწყვეტი ელ.ენერგიით და ინტერნეტით;

• ვიდეო კამერა;

• დინამიკები/ ყურსასმენები;

• მიკროფონი;

• სამუშაო მაგიდა პრაქტიკული სავარჯიშოების შესასრულებლად.

ტრენინგის დასასრულს ყველა მონაწილე მიიღებს:

• ტრენინგის მასალას, სავარჯიშოების და სახელმძღვანელოს ჩათვლით

• HACCP ტრენინგის გავლის დამადასტურებელ სერტიფიკატს.

ტრენერები:

ტრენინგის პროგრამა შემუშავებულია ბრიტანული კომპანია Lloyd's Register-ის მიერ.

ტრენინგს კითხულობენ Lloyd's-ის ავტორიზებული ტრენერები:

• ივანე დიდბერიძე - ISO/FSSC 22000, ISO 9001 და ISO 45001 წამყვანი აუდიტორი, რომელსაც გააჩნია ISO სტანდარტების დანერგვის და აუდიტების ჩატარების 17 წლიანი გამოცდილება;

• გვანცა ქორაია - ქიმიური და ბიოლოგიური ინჟინერიის მაგისტრი, ISO/FSSC 22000 და BRCGS წამყვანი აუდიტორი;

• ქეთევან წულაია - საკვები პროდუქტების ბიოტექნოლოგიის მაგისტრი, ISO/FSSC 22000 და BRCGS წამყვანი აუდიტორი.

---

ISO Consulting - Professionals for Professionals